യാത്ര

ആര്‍ത്തിയോടെ ഒരു കുപ്പി വെള്ളം ഞങ്ങള്‍ മൂന്ന്-നാല് പേരും കൂടി പങ്കിട്ടെപ്പോള്‍ ഇതിന്റെ വല്ല ആവശ്യമുണ്ടോ,വീട്ടിലെങ്ങാനും മിണ്ടാതെ ഇരുന്നാല്‍ പോരെ എന്ന് തോന്നിപോയി.രണ്ടു-മൂന്ന് ദിവസത്തേക്കായി രാജസ്ഥാനില്‍ ഉള്ള ഉദയ്പൂര്‍ (udaipur) കാണാന്‍ വന്നതാണ്‍. അവിടത്തെ ഏറ്റവും വലിയ പാലസ്സ് ആയ “സിറ്റി പാലസ്സ്, കണ്ട് ഇറങ്ങിയ സമയമായിരുന്നു.A.D1559, മഹാറാണ ഉദയ്സിംഗ് നിര്‍മ്മാണം ആരഭിച്ചത്.യൂറോപ്യന്‍-ചൈനീസ് ആര്‍ക്കിട്ടെച്ചറാണ്‍,ഉപയോഗിച്ചിട്ടുള്ളത്.

ഏകദേശം 651കി.മി ദൂരമുണ്ട് വീട്ടില്‍ നിന്ന്. കാര്‍ ഓടിച്ചാണ് ഞങ്ങള്‍ ഇവിടെ എത്തിയത്.നല്ല റോഡുകളായിരുന്നു.റോഡുകളില്‍ കൂടി സാധനങ്ങള്‍ കൊണ്ടുപോകുന്ന ഭീമാകരമായ ട്രക്കുകളുടെ ഇടയില്‍ കൂടി അതിന്റെ പകുതി വലിപ്പമുള്ള കാര്‍ഓടി മുന്നോട്ടേത്തുവാന്‍ പാട് പെടുന്നതുപോലെ തോന്നി.കാറിനകത്തു ഇരിക്കുന്നവര്‍ക്ക് കാര്‍ ഓടിക്കാന്‍ അറിയാവുന്നതു കൊണ്ട്,ഡ്രൈവര്‍ മാത്രമല്ല, കാറിനകത്ത് ഇരുന്നവരും,മനസ്സില്‍ വണ്ടി ഓടിക്കുന്നതു പോലെയായിരുന്നു.എല്ലാവരുടെയും മുഖത്തും ആ ട്ടെന്ഷന്‍ ഉണ്ട്.ശരിയായ സിഗ്നല്‍ ഇടാതെയുള്ള ട്രക്ക് മാരുടെ “ലേന്‍ ചേഞ്ച്” ഉറക്കം തൂങ്ങുന്ന ഡ്രൈവര്‍ ക്കുള്ള ഒരു ഷോക്ക്‌ ട്രീറ്റ്മെന്റ് പോലെയായിരുന്നു.അതുപോലെ സമയവും സ്പീഡിനെക്കുറിച്ചുള്ള ഒരു പട്ടിയുടെ കണക്ക് കൂട്ടല്‍ തെട്ടിയതും......ഭാഗ്യം നല്ല ട്ടയര്‍ ആയ കാരണം പട്ടി രക്ഷപ്പെട്ടു എന്നതുപോലെയായി. എട്ട്-പത്ത് മണിക്കൂറിന്റെ യാത്രയുണ്ടായിരുന്നു.

നമ്മുടെ വീടുകളില്‍ ഉപയോഗിക്കുന്ന ഫര്‍ണ്ണീച്ചറുകളായ സോഫ, കസേരകള്‍ കട്ടില്‍ പ്ലേറ്റ്, ഗ്ലാസ്സ്.....എല്ലാം ക്രിസ്റ്റലില്‍ അതാണ്‍ ക്രിസ്റ്റല്‍ പാലസ്സിന്റെ പ്രേത്യകത.ഇതെല്ലാം ഇംഗ്ലണ്ടില്‍ നിന്ന് വരുത്തിയ മഹാറാണ സജ്ജന്‍സിംഗിന് ഇതൊക്കെ കാണാനുള്ള ഭാഗ്യമില്ലായിരുന്നെങ്കിലും അദ്ദേഹത്തിന്, എന്റെ വക ഒരു സല്യൂട്ട്.അത്രയും മനോഹരവും പുതുമ തോന്നിയതുമായിരുന്നു അവയൊക്കെ

ഓരോ ദിവസങ്ങളിലെയും നമ്മുടെ ചിന്തകളില്‍ നിന്നും സംഘറ്ഷങ്ങളിലും നിന്നുമുള്ള മോചനമാണ് യാത്രകള്‍ എന്നു പറയാറുണ്ട്. അതു ശരിയാണെന്ന് “വിന്റ്റേജ് കാറ് കളക്ഷനില്‍(vintage car collection) ചെന്നപ്പോള്‍ തോന്നി.ഫിയറ്റും അബാസിഡറും അല്ലാതെ വല്ലപ്പ്പ്പൊഴും കണ്ടിരുന്ന പ്രേത്യകതയുള്ള കാറുകളായിരുന്നു. 1939 cadillac,Rolls Royce........ പലരും കാറിന്റെ മുപില്‍ നിന്ന് ഫോട്ടോ എടുക്കാന്‍ ബഹളം കൂട്ടുമ്പോള്‍ എനിക്ക് ഓരോ കാറിനെക്കുറിച്ചും പറയാനേറെയുണ്ടായിരുന്നു.”ഷെവര്‍ലെ കാറിനെ മലയാളീകരിച്ചതു ആണോ യെന്ന് അറിയില്ല, എന്റെ കുട്ടിക്കാലത്ത് ആ കാറിനെ “ഷവര്‍ വണ്ടി എന്നാണ്‍ പറഞ്ഞിരുന്നത്. ഏകദേശം 20-25 പഴയ കാറുകള്‍ ഉണ്ടായിരുന്നു.ര്‍ണ്ട്-മൂന്നെണ്ണം ഒഴിച്ച് എല്ലാം രാജകുടുബാവശ്യങ്ങള്‍ക്ക് ഇപ്പോഴും ഉപയോഗിക്കുന്നുണ്ടെന്നാണ്‍, അവിടത്തെ ഗൈഡ് പറഞ്ഞത്.

ഇപ്രാവശ്യത്തെ യാത്രയില്‍ മനസ്സിലേക്ക് കേറി വന്ന മുഖം ഒരു എട്ടോ പത്തൊ വയസ്സുള്ളകുട്ടിയുടെ നിസംഗതയായ മുഖമ്മാണ്‍.. താമസിച്ചിരുന്ന ഹോട്ടലുകാര്‍ വൈകുന്നേരങ്ങളില്‍ പാവക്കളി ഏറ്പ്പെടുത്തിയിട്ടുണ്ടായിരുന്നു.പാവക്കളി, കൊച്ചുനാളില്‍ ഒരു പാട് കൌതുകം തോന്നിയിട്ടുള്ളതാണ്, എന്നാല്‍ ഇന്ന് കഥക്ക് അനുസരിച്ച് പാവക്കളി നടത്തുന്ന ആളിന്റെ കൈവിരലുകള്‍ ചലിക്കുന്നത് കാണാനാണ് കൂടുതല്‍ കൌതുകം തോന്നിയത്.കൊച്ചുകുട്ടികള്‍ കളിക്കണ്ട് തലയറഞ്ഞു ചിരിക്കുന്നുണ്ട്,ഒരച്ഛനും മകനും കൂടിയാണ്, ആ പരിപാടി നടത്തുന്നത്.ആ 8-10 വയസ്സുള്ള മകന്‍ യാതൊരു ഭാവഭേദമില്ലാതെ പാട്ടിന്റെ താളത്തിന്

അനുസരിച്ച് കൊട്ടുന്നുണ്ട്.കളിക്കഴിഞ്ഞ്,അവന്‍ എല്ലാവരുടെ അടുത്തും ഒരു ചെറിയ കൊട്ടയായി “ട്ടിപ്സ്”ന്‍ വന്നു.അപ്പോള്‍ പൈസയുടെ കനം അനുസരിച്ച് ഒരു പുഞ്ചിരി വന്നോ എന്ന് സംശയം.

കളിയുടെ സാമാനങ്ങളെല്ലാം കെട്ടിവെച്ച്, അവന്‍,അവന്റെ അച്ഛ്നെ കാത്ത് നില്‍ക്കുകയാണ്‍, ഞാന്‍ വെറുതെ കൊച്ചു വര്‍ത്തമാനത്തിനായി അവനെ വിളിച്ചു.* സ്കൂളില്‍ പോകുന്നുണ്ടോ എന്ന എന്റെ ചോദ്യത്തിനായി അവന്‍ പറയാന്‍ മടിച്ചു.പഠിക്കാന്‍ ഒരു ഉത്സാഹമുണ്ടാവാനായി ഞാന്‍ പറഞ്ഞു “ഒരു നാള്‍ ഇവിടെ വന്നു താമസിക്കുന്നവരെ പോലെയാകണ്ടെ, അതിനായിട്ട് നന്നായി പഠിക്കണം........അങ്ങനെ അവനെ പഠിക്കാന്‍ പറഞ്ഞു വിടാനുള്ള തയ്യാറെടുപ്പിലായിരുന്നു ഞാന്‍.എന്നാള്‍ സ്കൂളില്‍ പഠിക്കുന്ന എന്റെ മകന്‍,(a+b)2 പഠിച്ചിട്ട്, എന്ത് ചെയ്യാനാണ്‍, അതിനേക്കാളും നല്ലത് ഈ കൊട്ട് തന്നെ യല്ലെ! ഒരു പക്ഷെ സ്കൂളില്‍ പോകുന്നവര്‍ക്ക് അതിന്റെ ആവശ്യകത മനസ്സിലാവില്ലായിരിക്കും.അവന്‍ മിണ്ടാതെ ഞങ്ങളുടെ വര്‍ത്തമാനം കേട്ടുകൊണ്ടിരുന്നു.ഒരുപക്ഷെ അവനും വലുതാവുമ്പോള്‍ അവന്റെ അച്ഛനെപോലെ നല്ലൊരു പാവക്കളിക്കാരാനാവുമായിരിക്കും.

പിറ്റെദിവസമുള്ള എന്റെ കാഴ്ചകള്‍ കാണാനായിട്ടുള്ള യാത്രയില്‍ കണ്ടുമുട്ടിയ ഗൈഡ്,കപ്പലണ്ടി വില്‍ക്കാനായി വന്നവനോടും എനിക്ക് പറയാനുണ്ടായിരുന്നത് നിങ്ങള്‍ സ്കൂള്‍ പോയി പഠിക്കൂ എന്നതാണ്‍.ഒരു കുട്ടി പറഞ്ഞു എനിക്ക് ഒന്നു മുതല്‍ ഇരുപത് വരെ ഇംഗ്ലീഷില്‍ പറയാനൊക്കെ അറിയാം.സ്കൂളിലോന്നും പഠിപ്പിക്കുകയില്ല.

പലപ്പോഴും ശ്രദ്ധിച്ചിട്ടുണ്ട്,കാശുള്ളവരുടെ മക്കള്‍ നല്ല സ്കൂളില്‍ പോകുന്നു.പഠിക്കുന്നു അഥവാ പഠിക്കാന്‍ മോശമാണെങ്കില്‍, മാനേജ്മെന്റ കോട്ട,NRI കോട്ട എന്നോക്കെ പറഞ്ഞ് അവരെ സംരക്ഷിക്കാന്‍ കോളെജ്ജുകാരും യൂണിവേഴ്സിറ്റിക്കാരും മുന്നിലുണ്ട്.അതുപോലെതന്നെ എല്ലാ മേഖലകളിലും.പാവപ്പെട്ടവര്‍ എന്നും പാവപ്പെട്ടവര്‍ തന്നെ.അതാണൊ നമ്മുടെ ഇടയിലെ പിടിച്ചു പറിക്കലിന്റെയും പീഡനങ്ങളുടെയും കാരണമെന്നു പോലും എനിക്ക് തോന്നറുണ്ട്.ശക്തമായ നിയമനടപടികള്‍ ഇല്ലാത്തതും പാവപ്പെട്ടവരും പണക്കാരും തമ്മിലുള്ള വ്യത്യാസമാണൊ, നമ്മുടെ ഇന്ത്യയുടെ ശാപം?

ഉദയപൂരിന്റെ ചരിത്രത്തില്‍ രാജാക്കന്മാരെ പോലെ പ്രാധാന്യംചേതക് എന്നു പറയുന്ന ഒരു കുതിരക്കുണ്ട്.ഒരു മന്ത്രിയുടെ ബുദ്ധിയോടെ,രാജാവിനെ അപകടത്തില്‍ നിന്ന് രക്ഷപ്പെടുത്തി എന്നാണ്‍ കഥ.മഹാറാണ പ്രതാപ മെമ്മോറിയല്‍, ഒരു പാറ്ക്ക് പോലെ ആയിരുന്നു.കുതിരയുടെയും രാജാവിന്റെയും പ്രതിമ,പാറ്ക്കിന്റെ നടുവില്‍ വെച്ചിട്ടുണ്ടായിരുന്നു.അപ്പോഴേക്കും സൂര്യന്‍ തലക്ക് മുകളിലെത്തിയിരുന്നു.ഒരു വറവച്ച്ട്ടിയില്‍ പെട്ടതു പോലെയായിരുന്നു അവിടത്തെ നില്‍പ്പ്.ആ പ്രതിമയുടെ മുന്‍പില്‍ നിന്ന് ഒരു ഫോട്ടോ എടുത്ത് ആ കുതിരയോടും രാജാവിനോടും ഞാന്‍, എന്റെ നന്ദി അറിയിച്ചു.

ലേക്കുകളില്‍ കൂടിയുള്ള യാത്ര, അവിടത്തെ മാര്‍ക്കറ്റിലെ ഷോപ്പിംഗ്,പാര്‍ക്കുകളിലെ രാജസ്ഥാന്‍ വേഷം ധരിച്ച് ഫോട്ടോ എടുക്കാനുള്ള സൌകര്യങ്ങള്‍ ......അങ്ങനെ രണ്ടു ദിവസം വേഗം തീറ്ന്നതുപോലെയായി.തിരിച്ചുള്ള എട്ട്-പത്ത് മണിക്കൂറിന്റെ യാത്ര കഴിഞ്ഞ് വീട്ടിലെത്തിയപ്പോള്‍ , ഗേറ്റിനകത്ത് വാരിവലിച്ച പോലെ കിടക്കുന്ന രണ്ടു ദിവസത്തെ പത്രങ്ങള്‍ കണ്ടപ്പോള്‍ എനിക്കായിട്ട് ജോലികള്‍ കാത്തിരിക്കുന്നതു പോലെ തോന്നി.എന്തൊക്കെയാലും രണ്ടു പെന്‍സിലില്‍ റബ്ബര്‍ ബാന്‍ഡ് കെട്ടി തിരിച്ചുവിട്ട പോലത്തെ ആ ദിവസങ്ങള്‍ എനിക്ക് ഒരു പാട് ഇഷ്ട്മായി!!!!!

Noodle Prawns Crisps

Tiger prawns - 6

Lemon juice - 1/2 cup

Red chilly flakes - 1 tsp

Garlic - 1 clove mashed

Pepper - to taste

Salt - to taste

Onion - 1/4 cup finely chopped

For the sauce

Lemon juice - 1/4 cup

Fish sauce - 2 tsp

Garlic - 1/2 tsp minced

Coriander - 1 tsp

Chilly - 1/2 tsp

Sugar - 1 pinch

Salt - to taste

Pepper - to taste

To wrap

Boiled noodles - 1/2 packet

Wooden Skewers - 6 (soaked in water for 30 mins)

Oil - to fry

First, marinate the prawns in a mixture of the lemon juice, salt, pepper, garlic, red chilly flakes and onion. Refrigerate this for 30 mins.

In the meanwhile, prepare the sauce by combining all the ingredients together and mix well.

Then, take out the prawns and pierce with the skewers from the head till the tail.(such that, it passes through the whole body).

Wrap it with strands of the noodles and deep fry till golden brown.

Serve with the sauce.

By-Mekha Jobin

Tin can Luminaries

ആവശ്യമുള്ള സാധനങ്ങള്‍

 ഒഴിഞ്ഞ Tin can -1(Pepsi or coke)

മെഴുകുതിരി

ചെറിയ ആണി

ചെറിയ ചുറ്റിക

Tracing paper

Tape

·       Can നില്‍ ഏതെങ്കിലും paper or stickerയുണ്ടെങ്കില്‍ എടുത്തു മാറ്റുക.can,നന്നായിട്ട് കഴുകുക, മുകളിലത്തെ ഭാഗം വെട്ടിമാറ്റുക.വെട്ടിമാറ്റിയ സഥലത്ത് metal file കൊണ്ട് ഉരച്ച് മിനുസമാക്കുക(കൈ മുറിയാതെ സൂക്ഷിക്കുക).

·       Can നില്‍ വെള്ളമൊഴിച്ച് freezer ല്‍ വെക്കുക.

·       ഏതെങ്കിലും ഇഷ്ടമുള്ള പടം tracing paper ഉപയോഗിച്ച് വരച്ചെടുക്കുക.

·       Can നിലെ വെള്ളം ice യായി കഴിഞ്ഞാല്‍ വരച്ച പടം tape ഉപയോഗിച്ച് can നില്‍ ഒട്ടിച്ച് വെക്കുക.

·       പടത്തിന്റെ മുകളിലൂടെ ചെറിയ gap വെച്ച് പടത്തിന്റെ മുകളിലൂടെ ആണിയും ചുറ്റികയുംവെച്ച് ചെറിയ ഓട്ടയിടുക.അങ്ങനെ പടം മുഴുവന്‍ ചെയ്യതു കഴിഞ്ഞാല്, tape മാറ്റുക. Ice യും വെള്ളമാക്കി കളയുക.

·       Can നികത്ത് ഒരു മെഴുകുതിരി കത്തിച്ചു വെക്കുക.

·       Tin can luminary റെഡിയായി.......അതിന്റെ ഭംഗി ആസ്വദിക്കാം

പരസ്യങ്ങള്‍

പരസ്യങ്ങള്‍ കാണാന്‍ എന്നും എനിക്ക് ഇഷ്ട്മായിരുന്നു.എന്താണ് പരസ്യം അതിന്റെ ഗുണങ്ങള്‍ ദോഷങ്ങള്‍ എന്തെല്ലാം ......ഇതൊക്കെ എന്റെ പഠനകാലത്തെ പഠിക്കുന്ന ഒരു വിഷയത്തില്‍ വരാന്‍ സാധ്യതയുള്ള പ്രധാന ചോദ്യങ്ങളിലൊന്നാണിത് .അതിനായിട്ടുള്ള ഉത്തരങ്ങള്‍ പഠിച്ചു പരീക്ഷാപേപ്പറിലേക്ക് എഴുതാന്‍ തയ്യാറെടുക്കുന്നതിനു മുന്‍പെയുള്ളതാണ്, ആ ഇഷ്ടം.

കുഞ്ഞുനാളില്‍ പരസ്യത്തെ അന്ധമായി അനുകരിച്ചതിനാലാവും പലപ്പോഴും എന്റെ കഴുത്ത് ഉളുക്കുമായിരുന്നു.ഷാപൂകളുടെ പരസ്യം ആയിരുന്നു എനിക്ക് ആ ഗതി വരുത്തിയത്.ഷാപൂവിട്ട് തലമുടി കുളിച്ച്, തലയുടെ ഓരോ വെട്ടിക്കലിലൂടെയും നല്ല സില്‍ക്ക് പോലെ തലമുടി മുകളിലോട്ടും പുറകിലോട്ടും പോകുന്നതു കാണാം.കുറച്ചു ചുരുണ്ട തരത്തില്‍ മുടിയുള്ള ഞാന്‍ ഷാപൂവിട്ട് തലമുടി കഴുകി തല വെട്ടിച്ചത് മാത്രം മിച്ചം.പരസ്യം പോലെയൊന്നും മുടി അനങ്ങിയില്ല. രണ്ടു വശത്തും തലമുടി പിന്നിയിട്ട സ്കൂള്‍ യാത്രകളും എന്റെ തലമുടി കൂടുതല്‍ ചുരുട്ടിയെടുത്തു.എന്തായാലും തലമുടി വെട്ടി,ഷാപൂവിന്റെ പരസ്യത്തിനോട് ഞാന്‍ എന്റെ മധുരപ്രതികാരം വീട്ടി(അല്ലാപിന്നെ,എന്നോടാണൊ കളി).

എല്ലാത്തിനും ഗുണവും ദോഷവുമുണ്ടെന്ന് പറയുന്നതുപോലെ, മാഗ്ഗിനൂഡില്‍സ്സ്,പെപ്സി,ജൂസുകള്‍ .സോപ്പുകള്‍അങ്ങനെ പലതരം പുതിയ സാധനങ്ങള്‍ പരസ്യം മൂലം നമ്മുടെ നിത്യജീവിതത്തിലേക്ക് കടന്ന് വന്നു.ഇതൊക്കെ നല്ല സാധനങ്ങള്‍ ആയിട്ട് പറയുന്നില്ലെങ്കിലും ഇടയ്ക്ക് ഒരു “വ്യത്യാസത്തിന്‍” നല്ലതല്ലേ!

ഈയടുത്ത കാലത്ത് കണ്ട് “Dairy&Milk”ചോക്ലേറ്റ്- ന്റെ പരസ്യം കണ്ടപ്പോള്‍ എന്റെ കൂട്ടുകാരി പറഞ്ഞതോറ്ത്തു പോയി.കേരളത്തിന്‍ പുറത്ത് ഒരു കല്യാണം കൂടാന്‍ പോയതാണ്‍. പ്ലെയിന്‍ (plane) ആണെങ്കില്‍ രണ്ടു റൊട്ടികക്ഷണത്തിന് (സാന്റ്വിച്ച്) മുടിഞ്ഞ വില, ചെന്നിറങ്ങിയ സിറ്റിയില്‍ ദോശക്കാണെങ്കില്‍ അറുപതോ എഴുപതോ രൂപ,എന്നാല്‍ വേണ്ട കല്യാണത്തിന്റെ ഭക്ഷണം കഴിക്കാമെന്ന് വെച്ചു.ആ ഭക്ഷണത്തിന് ചെന്നപ്പോള്‍ എല്ലാവരും സ്പൂണ്‍ഫോറ്ക്ക്,കത്തി വെച്ചാണ്, കഴിക്കുന്നത്( എതോ ഫൈവ് സ്റ്റാറ് ഹോട്ടലിലെ റിസ്പഷന്‍ ആണ്) അതെല്ലാം വെച്ച് ഒന്ന് പയറ്റാം എന്നു നോക്കിയപ്പോള്‍പ്ലേറ്റ്,സ്പൂണ്‍,ഫോറ്ക്ക്... എല്ലാം കൂടെ ആകെ ശബ്ദമയം! അതോടെ അവള്‍ കൈകൊണ്ട് തിന്നാന്‍ പറ്റിയ രണ്ടു കാരറ്റ്, സാലഡില്‍ നിന്നെടുത്തു കഴിച്ചു വിശപ്പടക്കി. പക്ഷെ ഈ പരസ്യം കാണുമ്പോള്‍ ,അതിലെ മോഡലുകള്‍ ,ആ മിഠായി തിന്നു കഴിയുന്നതോടെ,മുഖം മുഴുവനും ഉടുപ്പിലും കൈയ്യിലും എല്ലാം തേച്ചു പിടിപ്പിക്കുന്നുണ്ട്.(കൊച്ചു കുട്ടികളെക്കാളും കഷ്ട്മായിട്ടാണ് കഴിക്കുന്നത്).പിന്നെ അതെല്ലാം നക്കിയെടുക്കുന്നതാണ് പരസ്യത്തില്‍ ഇതൊക്കെ കാണുബോള്‍ പാവം എന്റെ കൂട്ടുകാരി, അവള്‍ ഇതിനേക്കാളും വൃത്തിയായിട്ട് ആഹാരം കഴിച്ചേനെ!

ഇന്നത്തെ പരിപാടികള്‍ അല്ലെങ്കില്‍ ഇന്നത്തെ സിനിമ എന്ന പോലെ ഇന്നത്തെ സ്ത്രീ പീഡനം എന്ന് പറഞ്ഞ്,പ്രത്യേക കോളം തന്നെ പത്രങ്ങളില്‍ കൊടുക്കേണ്ടി വരുമോ എന്ന് തോന്നും പേപ്പറില്‍ കാണുന്ന പീഡനവാറ്ത്തകള്‍ കാണുമ്പോള്‍ ആ വാറ്ത്തകള്‍ക്ക്കൂടുതല്‍ ഇരകളെ സൃഷ്ടിക്കുകയാണൊ,ഹീറോ(Hero) യുടെ,”pleasure hero scooter” ന്റെ പരസ്യം കാണുമ്പോള്‍ തോന്നുന്നത് .....രാത്രി ആഘോഷിക്കാന്‍ പോവുന്ന ഒരു പെണ്‍കുട്ടിയേയാണ് ....

റോഡില്‍ കൂടി ഒരു പസ്സില്‍(puzzle) നിറയ്ക്കുന്നതു പോലെയാണ്, ഓരോ വണ്ടികളും നമ്മുടെ റോഡില്‍ കൂടി വാഹനം ഓടിക്കുക(എവിടെ സ്ഥലമുണ്ടോ അവിടെക്ക് കുത്തിക്കേറുക).ആ ഓടിക്കുന്ന സ്റ്റൈലിനോട് ഒന്നു കൂടെ അടിവരയിട്ടു സമ്മതിക്കുന്നതു പോലെയാണ് നാനോ(nano car) കാറിന്റെ പരസ്യം.ചെറിയ കാറായതുകൊണ്ട്, എവിടെ സ്ഥലമുണ്ടോ, അവിടെക്കൂടെ ഓടിക്കാമെന്നുള്ളതാണ്, ആ കാറിന്റെ അവകാശവാദം. ബാക്കി വണ്ടികള്‍ നല്ല അടുക്കി "" ലേനില്‍ " ഓടിക്കുന്നു ഈ കാറുകാര്‍ മാത്രം സ്ഥലം തപ്പി ഓടിക്കുന്നു.

ചില പരസ്യങ്ങള്‍ തമാശ കലറ്ന്നതായിരിക്കും അതിനു ഉദാഹരണമായിരുന്നു,”ഒനിഡ(onida t.v) ട്ടി,വി,അതു പോലെ തല നരച്ച സ്ത്രീയെ ആന്റിയെന്നു വിളിക്കുന്നതും ഗോദ് റേഞ്ച് ഡൈ ചെയ്യുന്നതോടെ “ചേച്ചി യെന്നു വിളിക്കുന്നതും........വിശ്വാസം അതെല്ലെ എല്ലാം ............രസകരവും അതിലെല്ലാം ഒരു ശരിയും ഉണ്ടായിരുന്നു.

കാരുണ്യ ലോട്ടറി,.........അങ്ങനത്തെ പരസ്യങ്ങളെപറ്റി ഞാന്‍ മറക്കുന്നില്ല,എന്നാലും മലയാള സിനിമയില്‍ ന്യൂജനറേഷന്‍ സിനിമകള്‍ അല്ലെങ്കില്‍ കഥകള്‍ വന്നതുപോലെ പരസ്യങ്ങളിലും അങ്ങനെ വല്ലതും സംഭവിച്ചതിന്റെ ഭാഗമാണൊ ഈ തരം പരസ്യങ്ങള്‍ .....?

Strawberry Granita

Strawberries - 3 cups

Hot water - 1 cup

Sugar - 3/4 cup

Lemon juice - 2 tbsp

Mint leaf - for garnish

Stir in the sugar into the hot water and lemon juice mixture.

Put the strawberries into a blender and blend till smooth. Add the sugar syrup and blend till combined.

Pour the mixture into a non stick baking dish. Freeze till icy edges are formed. (approximately 25 mins). Using a fork, scrape the icy portions into the middle of the dish and freeze again. Repeat every 30 mins for about 1.5 hours.

When it is time to serve, scrape off flaky granite into  bowl. Garnish with berries and mint leaf.

By- Mekha Jobin

കല്യാണ വിശേഷം

എന്റെ കല്യാണം കഴിഞ്ഞതില്‍ പിന്നെ ഭറ്ത്താവിന്റെ കൂടെ ജോലിസ്ഥലത്തുള്ള താമസം അല്ലെങ്കില്‍ കുട്ടികളുടെ സ്കൂള്‍ പരീക്ഷയോ അവധിയില്‍ വരുന്ന വ്യാത്യാസമൊ.......ഒക്കെ കാരണം കുടുംബത്തിലെ ആരുടെയും കല്യാണത്തില്‍ സംബന്ധിക്കാന്‍ എനിക്ക് സാധിച്ചിട്ടില്ല.ഒരു അവധിക്കാലത്ത്, എന്റെ ഒരു ബ്ന്ധുവിന്റെ മകളുടെ കല്യാണം ഉണ്ടെന്ന് അറിഞ്ഞപ്പോള്‍‍ ഒരുപക്ഷെ ഞാനും അവളെപോലെ സന്തോഷവതി ആയി.കല്യാണപെണ്ണിനെ പോലെ ഞാനും ദിവസങ്ങള്‍‍ എണ്ണി ഇരുപ്പായി.ഒരു കല്യാണത്തോടെ, ബന്ധത്തിലും സ്വന്തത്തിലും പരിചയത്തിലും ഉള്ള എല്ലാവരേയും ഒരു കുടക്കീഴില്‍ കാണാ‍മെന്നുള്ളതാണ്‍ ഒരു ഗുണം.എല്ലാവരും നല്ല സന്തോഷത്തിലുമായിരിക്കും.

കല്യാണപെണ്‍കുട്ടിയുടെ കാര്യം പറയുകയാണെങ്കില്‍ അവള്‍ എന്റെ മാമന്റെ മകളാണ്‍.അവളുടെ കുഞ്ഞുനാളില്‍ ഒരുപാട് എടുത്തും കൊഞ്ചിപ്പിച്ചും നടന്നിട്ടുണ്ട്.പിന്നീടുള്ള എന്റെ അവധിക്കാലങ്ങളില്‍ അവരുടെ വീട് സന്ദര്‍ശനത്തില്‍ അമ്മയുടെ മാക്സിയുടെയോ/ചുരിദാറിന്റെയൊ പുറകില്‍ ഒളിച്ച് ഒരു കണ്ണില്‍ കൂടി ഞങ്ങളെ വീക്ഷിക്കുന്നതാണ്, എനിക്ക് ഓറ്മ്മ.പത്ത്-പന്ത്രണ്ട് വയസ്സില്‍ അവള്‍ വിരുന്നുകാരായ ഞങ്ങള്‍ക്ക് ചായകൊണ്ടുതരുക,തിന്നാനുള്ള സാധനങ്ങള്‍ പ്ലേറ്റില്‍ ഇടുക...... അങ്ങനെ ആകെ തിരക്കിലായിട്ട് വീട് മുഴുവന്‍ ഓടി നടക്കുന്നതു കാണാറുണ്ട്.എന്നാല്‍ കൂടുതല്‍ പരിചയവും അടുപ്പവും വന്നിട്ടുള്ളത് ഫേസ്ബുക്കിലൂടെയാണ്‍. അവള്‍ പോസ്റ്റ് ചെയ്യുന്ന ഫോട്ടോകള്‍ക്ക് ഞാന്‍ കമന്റിടുമ്പോള്‍ തിരിച്ച് എന്റെ ഫോട്ടോകള്‍ക്ക് “ലൈക്ക് യും നൈസ് പിക്ക്/ബ്യൂട്ടിഫുള്‍ എന്നൊക്കെ കമന്റും ചെയ്യാറുണ്ട്(ഒരു പാലം പണീയുമ്പോള്‍ അങ്ങോട്ടും ഇങ്ങോട്ടും എന്ന പോളീസി ആയിരിക്കും).you=u.great=gr8.......അങ്ങനത്തെ ചാറ്റ്&sms ഭാഷകള്‍ പറഞ്ഞു തന്നതും അവളാണ്. .ഇങ്ങനത്തെ ചില കാര്യങ്ങളിലൂടെയാണ് എനിക്ക് അവളോടുള്ള അടുപ്പവും കടപ്പാടും!

ബന്ധുക്കാറ്ക്കുള്ള കല്യാണ ആഘോഷങ്ങളൊക്കെ തലേദിവസം വൈകുന്നേരം മുതല്‍ തുടങ്ങി.ആഘോഷങ്ങള്‍ക്ക് കൂടാനായിട്ട് “ഡ്രസ്സ് കോഡ്” അവള്‍‍ തന്നെ നിശ്ചയിച്ചിട്ടുണ്ടായിരുന്നു.പെണ്ണുങ്ങള്‍ക്ക് കേരളസാരിയും ആണുങ്ങള്‍ക്ക് മുണ്ടും ജുബ്ബയും” അതൊക്കെ ഫേസ്സ് ബുക്കില്‍ പോസ്റ്റ് ചെയ്തിട്ടുണ്ടായിരുന്നു.അങ്ങനത്തെ ഒരു സാരിയൊക്കെ സംഘടിപ്പിച്ച് ഞാനും നേരത്തെ തന്നെ അവരുടെ വീട്ടിലെത്തി.കല്യാണത്തിന്റെ സി.ഡി കാണുമ്പോള്‍ ആകറ്ഷകമാകുന്നതിനുവേണ്ടി, കാലം പിന്നിലാക്കിയ ആചാരങ്ങളായ എണ്ണ തേപ്പിക്കല്‍‍ മധുരം കൊടുക്കല്‍‍ ....... അങ്ങനെ എന്റൊയൊക്കെ സമയത്ത് “ഔട്ട് ഓഫ് ഫാഷന്‍” ആയ പലതും ക്യാമറകളില്‍ വന്ന വ്യാത്യാസം കാരണം പിന്നെയും മുന്നിലെത്തിയിട്ടുണ്ട്.ആ വക പരിപാടികള്‍ കഴിഞ്ഞപ്പോള്‍ അവളെ ഒരു കസേരയില്‍ ഇരുത്തി യുവതലമുറ സിനിമാന്റിക് ഡാന്‍സായിട്ട് ചുറ്റുമുണ്ട്,ഒപ്പനയെ ഓറ്മ്മപെടുത്തുന്നതു പോലെ തോന്നി.വീഡിയൊ/ക്യാമറകള്‍ ഉള്ള കാരണം എല്ലാ ജാതിമതങ്ങളുടെയും ആചാരങ്ങള്‍‍ കൂട്ടികലറ്ത്തുകയാണ്‍.ഭക്ഷണത്തിനൊക്കെ ഓറ്ഡറ് കൊടുത്തിട്ടുള്ള കാരണം സാരിയൊക്കെ ഉടയാതെ ഇരുന്ന് വര്‍ത്തമാനം പറയാമെന്നുള്ളത് ഒരു ഗുണമാണ്‍.

കല്യാണത്തിന്റെ അന്ന് ക്രിസ്ത്യന്‍ രീതിയിലുള്ള വെള്ള ഉടുപ്പും അതിന്‍ യോജിച്ച മാലയും കമ്മലും തലക്കെട്ടുമെല്ലാം..........അവള്‍‍ ശരിക്കും സുന്ദരി ആയിട്ടുണ്ടായിരുന്നു.എല്ലാവരും കൂടിയുള്ള കുടുംബപ്രാറ്തഥന കഴിഞ്ഞതോടെ,പിന്നീടുള്ള പരിപാടികളുടെ ചുക്കാന്‍ പിടിക്കുന്നത് ക്യാമറക്കാരാണ്‍.ആര്‍ എപ്പോള്‍ സ്തുതി കൊടുക്കണം,മുഖത്തെ ഭാവമാറ്റം എല്ലാം അവര്‍ പറയുന്നതുപോലെയാണ്‍..........ഒരു ഓസ്കാറ് അവാറ്ഡ് മേടിക്കാനുള്ളത്രയും ഭാവങ്ങള്‍‍ നമ്മളില്‍ ഓരോത്തരിലും ഒളിഞ്ഞുകിടപ്പുണ്ടെന്ന്, അപ്പോഴാണ്‍ മനസ്സിലാവുക.അവരുടെ കൈയ്യേറ്റം,  പള്ളിയിലെ മതപുരോഹിതന്‍ കറ്മ്മങ്ങള്‍ തുടങ്ങുന്നതുവരെ കാണാം.കറ്മ്മങ്ങളില്‍ വലിയ പുതുമയൊന്നും കണ്ടില്ല.ഞങ്ങളുടെ മതവിശ്വാസം അനുസരിച്ച് താലികെട്ടുന്നതോടെ,പെണ്ണ്- ചെറുക്കന്റെ കുടുബാംഗമാവുകയാണ്‍.അതോടെ അവളെ,അവര്‍ക്ക് വിട്ടുകൊടുത്ത്,ഞങ്ങള്‍ വന്നിട്ടുള്ള പരിചയക്കാരെയും ബന്ധുക്കാരെയും തപ്പി പോയി.ഒരുപക്ഷെ ഒന്ന്-ഒന്നര മണിക്കൂറ് പള്ളിയില്‍ മിണ്ടാതെ ഇരുന്നതിന്റെ ക്ഷീണം തീറ്ക്കുകയായിരിക്കും ഓരോത്തരും.

ഒരു കല്യാണം എന്നു പറയുബോള്‍ ആദ്യം മനസ്സിലേക്ക് ഓടിവരുന്നത്,സദ്യയോ ബിരിയാണിയോ.......ആയിരിക്കു അല്ലെ.....ഭക്ഷണത്തിന്‍ മുന്‍പായി,പെണ്‍കുട്ടി ഉടുപ്പില്‍ നിന്ന്, ചെറുക്കന്റെ വീട്ടുകാര്‍ മേടിച്ച് കൊടുക്കുന്ന സാരി,മന്ത്രകോടിയിലേക്ക് മാറി.മന്ത്രക്കോടി,ചെറുക്കന്റെ വീട്ടുകാരുടെ “ഗമ” കാണിക്കാനും കൂടിയുള്ള സാരിയാണ്‍.സാരി കാണുന്നതോടെ, ഏത് കടയില്‍ നിന്ന് വാങ്ങി,അതിന്റെ വിലയെല്ലാം നിത്യവും കല്യാണം കൂടുന്നവറ്ക്ക് മനസ്സിലാവും(ഈ പ്രത്യേക കഴിവ് ചിലപ്പോള്‍ പെണ്ണുങ്ങള്‍ക്ക് മാത്രമുള്ളതായിരിക്കും).ആ വിവരങ്ങള്‍ മറ്റുള്ളവര്‍ക്കും പറഞ്ഞുകൊടുത്ത് അവരുടെ ജി.കെ(general knowledge) ലെ മിടുക്ക് കാണിക്കും.മന്ത്രക്കോടി ചെറുക്കന്റെ “സ്റ്റാറ്റസ്സ്” കാണിക്കാനാണെങ്കില്‍ ബാക്കി മേടിച്ചിട്ടുള്ള സ്വര്‍ണ്ണമെല്ലാം ധരിച്ച് പെണ് വീട്ടുകാരും അവരുടെ ഗമ കാണിക്കുന്നതായിരിക്കും.

പെണ്ണും ചെറുക്കനും സ്റ്റേജില്‍ കേറി കേക്ക് മുറിക്കുബോള്‍‍ അവരെ അനുഗ്രഹിക്കുന്നതുപോലെ പൂവ്....മുകളില്‍ നിന്ന് വീഴുന്നുണ്ടായിരുന്നു. അതോടെ ബാക്കിയുള്ളവര്‍ക്ക് ഭക്ഷണം കഴിക്കാനുള്ള ഒരു നിശ്ബദ ബെല്ലടിച്ചതു പോലെയാണ്‍.ഭാഗ്യത്തിന്‍ ഭക്ഷണത്തിന്റെ അവിടെ ഉന്തും തള്ളും ഇല്ല.പകരം എല്ലാവരും നമ്മുടെ ബിവേറ്ജ്ജ് കടയുടെ മുന്‍പിലത്തെ പോലെ നീണ്ട ക്യൂ.ഭക്ഷണം എടുത്ത് തിരിച്ച് വരുമ്പോള്‍‍ ഇരുന്ന കസേരയില്‍‍ വേറെ ആരെങ്കിലും സ്ഥലം പിടിച്ചു കാണും.പിന്നെ ഒരു കസേരക്കളിയുടെ സ്പിരിറ്റില്‍ വേണം ഒരു കസേര സംഘടിപ്പിച്ചെടുക്കാന്‍....ഇതൊക്കെ അറിയാവുന്നവര്‍ മുന്‍‍ കൂട്ടി ഒരാളെ കസേരകള്‍ക്ക് കാവല്‍ ഏര്‍പ്പെടുത്തുന്നുണ്ട്.മറ്റു ചിലവര്‍ ഭക്ഷണം വെച്ചിരിക്കുന്നതിന്റെ അടുത്ത് നിന്ന്  കഴിക്കുകയാണ്‍,പ്ലേറ്റില്‍ തീരുന്ന ഭക്ഷണം വേഗം നിറയ്ക്കാം കൂട്ടത്തില്‍ ക്യൂ വില്‍ നില്‍ക്കുന്ന പരിചയക്കാരോട് വര്‍ത്താമാനവും പറയാം.”ഒരു വെടിക്ക് രണ്ടു പക്ഷി”

പെട്ടന്നാണ്‍ വീഡിയോഗ്രാഫറ്ന്മാരെല്ലാം ക്യാമറയും കൊണ്ട് ഓടുന്നത് കണ്ടത്.....എന്തുപറ്റി എന്ന അന്വേഷണത്തിന്‍, ഏതോ സീരീയല്‍ നടന്‍ വന്നതാണ്‍ കാര്യം.ഭാഗ്യം! അയാള്‍ നേരത്തെ വരാഞ്ഞത്, എങ്കില്‍ പെണ്ണും ചെറുക്കനും ക്യാമറയില്‍ നിന്നും പുറത്തായേനെ..........ക്യാമറ പോയതോടെ, സമാധാനമായി ഭക്ഷണം കഴിക്കാമെന്ന മട്ടിലായി ഞങ്ങള്‍ കൂട്ടത്തില്‍ ആരെക്കുറിച്ച വേണമെങ്കിലും വറ്ത്താമനവും പറയാമല്ലോ....

പലര്‍ക്കും ഞാന്‍ ഒരു പുതുമുഖം ആയിരുന്നു.ചിലരോട് പെണ്‍കുട്ടിയായുമുള്ള എന്റെ ബന്ധം ഞാന്‍ വിവരിച്ചു കൊടുത്തു.ബന്ധങ്ങള്‍ പറഞ്ഞു മടുത്തപ്പോള്‍ “guess who” എന്ന കളിക്കായി ഞാന്‍‍ എന്റെ മുഖം വിട്ടുകൊടുത്തു.എന്റമ്മ കല്യാണം കൂടാത്ത കാരണം വന്നിരിക്കുന്നവര്‍ ആരൊക്കെ,അതില്‍‍ എന്നോട് വര്‍ത്തമാനം പറഞ്ഞവര് അവരിലാരൊക്കെ.......എന്ന് ഞാന്‍ കൃത്യമായി അന്വേഷിച്ചു കൊണ്ടിരുന്നു.ഈ കല്യാണത്തിന്റെ  റിപ്പോറ്ട്ട് അമ്മക്ക് കൊടുക്കാനുള്ളതാണ്. രാവിലെ വീട്ടില്‍ പേപ്പര്‍ ഇടുന്ന ആള്‍ മുതല്‍ അവിടത്തെ പഞ്ചായത്ത് പ്രസിഡന്റ് വരെയുണ്ട്പരിചയക്കാരുടെ കൂട്ടത്തില്‍ ......ബന്ധുക്കാര്‍ വേറെയും.

ഭക്ഷണവും വര്‍ത്തമാനവും കഴിഞ്ഞാല്‍ അടുത്തപടി സ്റ്റേജില്‍ കേറി പെണ്ണും ചെറുക്കനെയും പരിചയപ്പെടുകയെന്നതാണ്‍ കൂട്ടത്തില്‍ ഒരു ഫോട്ടൊയും എടുത്താല്‍ ഞാന്‍ കല്യാണം കൂടി എന്ന്തിന് തെളിവായി.പിറ്റേദിവസം ആ ഫോട്ടൊ ഫേസ്സ്ബുക്കില്‍ പോസ്റ്റ് ചെയ്യുകയും അതിന് എന്റെ കൂട്ടുകാര്‍ കമന്‍റസും ലൈക്കും കണ്ടാല്‍ ഒരു കല്യാണആഘോഷം എനിക്ക് വേണ്ടി അവസാനിച്ചുവെന്നു പറയാം.

ഒരു മിഡില്‍ ക്ലാസ്സ് ഫാമിലി നടത്തുന്ന കല്യാണത്തിന്റെ വിശേഷങ്ങളാണിതൊക്കെ,ജാതിയുടെയോ മതത്തിന്റെയോ പേരില്‍ ഇതില്‍ ചില്ലറ വ്യത്യാസങ്ങള്‍ ഉണ്ടായേക്കാം.സമ്പന്നര്‍,കല്യാണചടങ്ങിലും സദ്യയിലും കൂടുതല്‍ ആര്‍ഭാടങ്ങള്‍‍ ചേറ്ക്കുന്നതു കാണാം.പാവപ്പെട്ടവര്‍ കടം മേടിച്ചും കിടപ്പാടം പണയപ്പെടുത്തിയും കല്യാണം ആഘോഷിക്കുന്നത് കാണാറുണ്ട്.ഈയിടെ ഫേസ്ബുക്കില്‍ കണ്ട-രണ്ടേ രണ്ടു പേര് ഭാവിജീവിതത്തെക്കുറിച്ചും മറ്റുള്ളവര്‍ ഭക്ഷണത്തെക്കുറിച്ചും മാത്രം ചിന്തിക്കുന്ന ഒരു സുന്ദരമുഹൂറ്ത്തമാണ്‍ വിവാഹം. അങ്ങനെയുള്ള ഈ സുന്ദരമുഹൂറ്ത്തതിന്‍ ആര്‍ഭാടങ്ങളുടെ ആവശ്യമുണ്ടോ?

Nachos and Salsa

For Nachos:

Cornmeal flour - 1 cup

Whole wheat flour - 1/4 cup

Oil - to deep fry

Mix the two flours and knead to make into a dough (for rotis)

Roll out into rotis and cook on both sides on a griddle and keep aside.

Heat oil, cut the rotis into triangular shapes and deep fry till crisp and brown.

For Salsa:

Tomatoes - 3 (de seeded and cubed)

Onion - 1 (finely chopped)

Jalapeno chili - 1 ( seeded and finely chopped)

Cilantro - 1/2 cup (finely chopped)

Lemon juice - 1

Oregano - to taste

Salt and pepper - to taste

Mix together all these ingredients and place in a bowl.

Serve with the nachos.

By-Mekha Jobin

ഉപദേശം= പ്രവൃത്തി=?

സൈനിക സ്കൂളില്‍ ചേരാന്‍ പോയിട്ട് അവിടത്തെ അപേക്ഷാഫോറം പോലും പൂരിപ്പിക്കാന്‍ തയ്യാറാകാത്ത മകന്റെ മുന്‍പില്‍ എന്തുചെയ്യണമെന്നറിയാതെ വിഷമിച്ച് നില്‍ക്കുകയാണ്, എന്റെ കൂട്ടുകാരി.അവന്,ഗവണ്‍മെന്റ് ജോലികള്‍ ഒന്നും വേണ്ട അതാണ്, അവന്റെ ഉത്തരം.കോളെജിലൊക്കെ, ഇപ്പോള്‍ ക്യാംപസ്സ് സെലക്ഷന്‍ ഉള്ള കാരണം പണ്ടത്തെ പോലെ ജോലി കിട്ടാന്‍ ബുദ്ധിമുട്ടില്ലല്ലോ......എന്നൊക്കെ പറഞ്ഞ് ഞാന്‍ അവളെ ആശ്വസിപ്പിച്ചു.

 ആ ജോലികളില്‍ പെന്‍ഷനും ഇല്ല, പിന്നെ ജോലിയുടെതായ തലവേദനകളും........അതൊക്കെയാണ്, അവളുടെ അടുത്ത സങ്കടം.....

.ഞാന്‍ എന്റെ മക്കളെ പറ്റി ഇത്ര അധികം ചിന്തിക്കാത്ത കാരണം, അതൊക്കെ വലിയ പ്രശ്നങ്ങളായി എനിക്ക് തോന്നിയിട്ടില്ല.അല്ലാതെ തന്നെ എട്ടു മണിക്ക് വരേണ്ട വെള്ളം എട്ടര ആയിട്ടും വന്നിട്ടില്ല.വോള്‍ട്ടേജ് കൂടിയ കാരണം ഫാന്‍ കത്തി പോയി.....എന്നിങ്ങനെ ദൈനദിനജീവിതത്തില്‍ തല ചൂടാക്കാനായിട്ട് നൂറ് കാര്യങ്ങള്‍ എനിക്കുണ്ടെന്നുള്ളതാണ്, സത്യം.

പിന്നീടുള്ള എന്റെ ജോലികള്‍ക്കിടയിലും ഞാന്‍ സര്‍ക്കാര്‍ ജോലികളെ പറ്റി ചിന്തിക്കുകയായിരുന്നു.ശ്രീ പദ്മനാഭന്റെ കൈയ്യില്‍ നിന്നും നാല്‍ ചക്രം കിട്ടുക എന്നത് വളരെ സന്തോഷമുള്ള കാര്യമാണ്‍.വലതു കാല്‍ വെച്ച് ഓഫീസില്‍ കേറിയാല്‍ .....പിരിച്ചുവിടല്‍ സാമ്പത്തികമാന്ദ്യം,....അങ്ങനത്തെ യാതൊരു പേടിയുമില്ലാതെ,പിരിഞ്ഞുപോകുന്നതുവരെ(റിട്ടയര്‍മെന്റ്) വരെ സുഖമായിട്ടിരിക്കാം.അഞ്ച് വര്‍ഷത്തേക്ക് ഒക്കെ അവധിയെടുത്ത് വിദേശത്ത് പോയി ജോലി ചെയ്യാം. തിരിച്ചു വരുമ്പോള്‍ ചിലപ്പോള്‍ പ്രമോഷനും കിട്ടും........ഹ ഹ .........നല്ല സുഖമുള്ള ജോലി.....ശബളക്കുറവും വേഷത്തിലെ ഗമക്കുറവും ഒക്കെ ആയിരിക്കാം ആ കുട്ടിക്ക് അത്തരം ജോലികളൊട് താത്പര്യമില്ലാത്തത് എന്നൊക്കെ ഞാന്‍ ഓറ്ത്തുകൂട്ടി.

 പിറ്റേ ദിവസം മകനെ സ്കൂള്‍ ബസ്സില്‍ കൊണ്ടുവിടാന്‍ കൂടെ  പോയപ്പോള്‍ അവിടെയുള്ളവരുടെ അടുത്ത് ചോദിക്കാന്‍ എന്റെ കൈയ്യില്‍ ഒരു ചോദ്യവും ഉണ്ട്- “ഗവണ്മെന്റ ജോലി ചെയ്യാന്‍ ഇഷ്ട്മാണൊ?.കുട്ടികളില്‍ പലരും ജോലിക്കാര്യത്തെപറ്റി ആലോചിച്ചിട്ടു പോലുമില്ല.എങ്ങനെയെങ്കിലും ഈ വര്‍ഷാവസാന പരീക്ഷ കഴിഞ്ഞാല്‍ മതിയെന്ന മട്ടിലാണ് അവര്‍, .അതു കഴിഞ്ഞുള്ള അവധി ആണ്, അവരുടെ മനസ്സില്‍. എന്നാല്‍ അതിലെ ഒരു മുതിറ്ന്ന കുട്ടിയുടെ ഉത്തരം അവിടെ വന്നിരിക്കുന്ന എന്നെ പോലത്തെ അമ്മമ്മാരെ  കണ്ണു തള്ളിച്ചു.അവന്‍ പഠിച്ചു കഴിഞ്ഞാല്‍ എങ്ങനെയും സറ്ക്കാര്‍ ജോലി മേടിച്ചെടുക്കും അതിനുവേണ്ടി ജാതിയും മതവും മാറാനും തയ്യാര്‍ എന്നിട്ടും നിറച്ചും കൈക്കൂലി മേറ്റിച്ച് ഒരു “ഫരാറി(ferrari) കാറ് മേടിച്ച് ഓടിക്കാനാണ്, അവന്റെ പ്ലാന്‍ !

ഞങ്ങള്‍ അമ്മമ്മാര്‍, ആ കാറ് ട്ടി.വിയിലൊ സിനിമയില്‍ മാത്രമെ കണ്ടിട്ടുള്ളൂ.നമ്മുടെ കണ്ണിമ വെട്ടുന്നതിന്‍ മുന്‍പ് പാഞ്ഞു പോകുന്നതും കണ്ടിട്ടുണ്ട്. അങ്ങനത്തെ കാറ് ഈ കുണ്ടും കുഴിയും ട്രാഫിക്ക് ജാമുള്ള വഴിയില്‍ കൂടി എങ്ങനെ ഓടിക്കും അതിലും ഭേദം ഓട്ടോ ആണെന്ന് പറഞ്ഞ്, ഞാന്‍ അവനെ കളിയാക്കി.ചില അമ്മമ്മാര്, അവനെ ഉപദേശിക്കാന്‍ തുടങ്ങി!

 ബസ്സ്-കുട്ടികളെ കൊണ്ടുപോയിട്ടും ഞങ്ങള്‍, അമ്മമാര്‍ക്ക്

നല്ലൊരു മസാല വിഷയം ചര്‍ച്ച ചെയ്യാന്‍ കിട്ടിയ സന്തോഷത്തില്‍, അവന്റെ അമ്മ-അച്ഛ്നില്‍ തുടങ്ങി വീട്ടിലെ മാമന്‍ അപ്പൂപ്പന്മാര്........എന്നു വേണ്ട അവന്റെ കുടുംബത്തിലെ  എല്ലാവരെയും പറ്റി ഒരു അവലോകനം തന്നെ നടത്തി.അവരിലൊന്നും പ്രതേകിച്ച്,അവന്‍ പറഞ്ഞപോലത്തെ കൈക്കൂലി കഥകള്‍ ഞങ്ങള്‍ക്ക് അറിയാത്ത കാരണം.......ചിലപ്പോള്‍ അടുത്ത നാളുകളില്‍ ട്ടി.വിയിലും പേപ്പറിലും കാണുന്ന തട്ടിപ്പുകളുടെ കഥ ആയിരിക്കാം കുട്ടികളെയൊക്കെ ഇങ്ങനെ ചിന്തിക്കാന്‍ പ്രേരിപ്പിക്കുന്നത് എന്ന തീരുമാനത്തില്‍ എത്തിച്ചേറ്ന്നു ഓരോത്തരും നാലായിരം കോടി,തൊണ്ണൂറ് കോടി........തട്ടിപ്പ് നടത്തിയിരിക്കുന്നത്.ഈ തട്ടിപ്പുകള്‍ വായിക്കുമ്പോള്‍ ഓര്‍ക്കാറുണ്ട്, ഒരു മനുഷ്യന്‍,നൂറ് വയസ്സ് വരെ ആറ്ഭാടമായി ജീവിക്കാന്‍ പോലും ഇത്രയും കാശ് വേണ്ടല്ലൊയെന്ന്! നാലായിരം കോടി തട്ടിപ്പ് കാരനെ ട്ടി.വി യില്‍ കാണിച്ച്ത്, അയാള്‍ ദുബായിലോ/ഇന്‍ഡോനേഷ്യയിലോ ഒരു നീന്തല്‍ കുളത്തില്‍ നീന്തുന്നതാണ്‍.ഇയ്യാളെയൊക്കെ ഒരു “ഹീറോ ആക്കിയില്ലെങ്കിലെ അത്ഭുതമുള്ളൂ..........അങ്ങനെ ഞങ്ങളുടെ ചറ്ച്ചയില്‍ നിന്നും അവന്റെ അമ്മയുടെ അടുത്ത് ഈ കഥകളൊക്കെ പറഞ്ഞ്, അവന് നല്ല ഉപദേശങ്ങള്‍ കൊടുക്കാന്‍ പറയണം എന്ന തീരുമാനത്തില്‍ അമ്മമാരുടെ സംഘം പിരിഞ്ഞു.

കഴിഞ്ഞ ദിവസം ഞാന്‍ തിരിച്ച് വീട്ടിലേക്ക് വരുന്ന വഴി,ഒരു പോലീസ് ജീപ്പ് വന്ന് എല്ലാവരെയും സൈഡ് ഒതുക്കുന്നുണ്ട്.വേറെ ഒരു പോലീസ് വലിയ ലാത്തി കാണിച്ച് സൈക്കിളില്‍ പോകുന്നവരേയും നടന്നു പോകുന്നവരേയും ഒതുക്കി നിറുത്തുന്നുണ്ട്.എന്തു പറ്റി എന്ന് നോക്കുമ്പഴേക്കും, വി.ഐ.പിയും അവര്‍ക്ക് കൂട്ടായിട്ടുള്ള ഏകദേശം പതിനേഴ് വണ്ടികള്‍ ഒരേ സ്പീഡില്‍ പറക്കുന്നുണ്ട്.അവര്‍,പോയതോടെ, തടഞ്ഞു നിറുത്തിയ പോലീസ് വണ്ടിയും അവറ്ക്ക് പിന്നാലെ പാഞ്ഞു.അത്രയും നേരം തടഞ്ഞുവെച്ച വാഹനങ്ങളില്‍ ഞാനടക്കമുള്ളവര്‍ എല്ലാ നിയമങ്ങളെയും കാറ്റില്‍ പറത്തികൊണ്ട്, “ഞാന്‍ പിടിച്ച മുയലിന്‍ മൂന്ന് കൊമ്പ്” എന്ന മട്ടില്‍ കാറുകാരും,” ഞങ്ങളോടാണോ കളി“ എന്ന മട്ടില്‍ ഇരുചക്രവാഹനങ്ങള്‍ നുഴഞ്ഞു കയറുന്നുണ്ട്.ബെല്ലില്ലാ‍തെ ബ്രേക്കില്ലാതെ സൈക്കിള്‍ റിക്ഷക്കാരും.......എല്ലാവരും ആരേയും മുന്നോട്ട് പോകാന്‍ സമ്മതിക്കാതെ ചീത്ത വിളിക്കാന്‍ പറ്റാത്ത ക്കാരണം ഹോണടിച്ച് അവരുടെ ദേഷ്യം തീറ്ക്കുന്നുണ്ട്.ആരും ആരേയും പറ്റി ഓര്‍ക്കുന്നില്ല.......ഒരു നിമിഷം ഉപദേശം വേറേ പ്രവൃത്തി വേറെ എന്ന്‍ തോന്നിപ്പിക്കുന്ന രീതിയിലായിരുന്നു എല്ലാവരുടെയും പ്രവൃത്തികള്‍ !!!!!!!!!

Macaroons

Egg whites - 4 eggs

Powdered sugar - 1 cup

Vanilla essence - 1 tsp

Ground cashew - 1 cup

Preheat oven to 180 C.

In a bowl, add egg whites and beat them till fluffy and soft peaks are formed.

Gradually add the sugar and continue beating the mixture till stiff peaks are formed.

Invert the bowl and the mixture should not fall off.

Now, fold in the cashew powder and vanilla gently.

Put the mixture into a piping bag and pipe out small truffle sized balls onto a greased baking tray.

Reduce the oven temperature to 160 C and bake for 15 - 20 mins.

Allow to cool and harden.

By mekha jobin